gecə açıq pəncərədən
küləklər oxşayar saçlarını
əsən küləklər,yorğun küləklər
barmaqlarının arasında şərab bakalı
şərab içərsən..
sonra çevrilib geriyə otağa tərəf baxarsan
orda bir çarpayı var birdə yerdəki səliqəsiz paltarlar
çarpayının üstündə bir adam yatıb
bir neçə dəqiqə əvvəl sevişdiyin adam
yuxusunda gülümsəyir
səndə ona baxıb gülümsərsən
hamam otağına keçib güzgüdə öz bədəninə baxarsan
əllərini gəzdirərsən sinəndə
güzgüdə gözlərinə baxarsan
krantı açıb dodağındakı öpüşləri yuyarsan
sonra geriyə qayıdıb qucaqlayarsan çarpayıdakı adamı
yanında uyuyarsan
Kamran Su 